25 მარტს, კოლეჯ “ოპიზარში” ჩატარდა იმიტირებული სწავლება შრომის, სახანძრო უსაფრთხოებისა და საგანგებო სიტუაციების მართვის თემებზე. სწავლება ჩაატარა აღნიშნული სფეროს სპეციალისტმა, ბატონმა ზაური ზედგინიძემ.

სწავლების მიზანი იყო კოლეჯის თანამშრომლებისთვის საგანგებო სიტუაციებზე სწრაფი და ეფექტური რეაგირების უნარების გაღრმავება, რაც მნიშვნელოვანი ნაბიჯია უსაფრთხო და დაცული სამუშაო გარემოს უზრუნველყოფის პროცესში.

სწავლება მოიცავდა პრაქტიკულ აქტივობებს შემდეგ საკითხებზე:

  • 🔸 სახანძრო განგაშის ამოქმედება
  • 🔸 უსაფრთხო ევაკუაცია და ევაკუირებულების განთავსება
  • 🔸 ხანძრის ჩაქრობის ტექნიკები სახანძრო ბალონების გამოყენებით
  • 🔸 დამწვრობის შემთხვევაში პირველადი სამედიცინო დახმარების გაწევა

აღნიშნული იმიტირებული სწავლება თანამშრომლებს საშუალებას აძლევს, რეალურ გარემოში გამოიმუშავონ ქცევის მოდელები და გაიზარდოს მათი მზადყოფნა კრიტიკულ სიტუაციებში სწორად და სწრაფად მოქმედებისთვის.

👉 კოლეჯი მომავალშიც გააგრძელებს უსაფრთხოების მიმართულებით მსგავსი აქტივობების განხორციელებას, რათა ხელი შეუწყოს უსაფრთხო სამუშაო გარემოს შენარჩუნებას.

იმიტირებული სწავლება უსაფრთხო გარემოსთვის